رزگارکردن ٧٠ کووچبەر لە نقومبۊن بەلەمیان لەکناراو یۆنانی

شەفەق نیوز/ رەنج پشدەر چالاکوان لە چین کووچبەری، ئمڕوو چوارشەممە،  خەوەردا ک بەلەمیگ ٧٠ کووچبەر قاچاقی لەناوی بۊی، وەرانوەر کناراوەیل یۆنانی نوقم بۊی، باوجی پاسەوانەیل کناراوەیل ئەو وڵاتە رەسینە دادیان.    

پشدەر لەبان فەیسبووک نۊسان: ئەو بەلەمە ک دۊیەشەو نوقم بۊی، ٧٠ کووچبەر لەناوی بۊی، و ٦٠ کورد لەناویان بۊی، ئەراوە هەنای قسە وەردیان کردیمن وتن: نزیکە بخنکیەیمن.    

وتیش: پۆلیس کناراوەیل یۆنانی دەسمیەی کووچبەرەیل دان باوجی تا ئیسە ئاشکرا نەکردگە ئەگەر گشت کووچبەرەیل رزگار کردگە.       

وەگورەی قسەی چالاکوانەگە، خیزانەیل کووچبەرەیل پەیوەندی وەپی کردن، و وتنە: گشتیان رزگار کریانە و ئیسە هانە لای دەسەڵاتەیل یۆنانی.    

وەگورەی زانیارەیلە، کەسەیلیگ خەڵک هەرێم کوردستان هانە ناو ئەو کووچبەرەیلە.