راپۆرتەیل: ئەڵمانیا ئامادە ئەرا جەنگ رووسیا کەێد
وەگورەی سیناریۆی وەزارەت وەرگری ئەڵمانیا، هاتێ لە تاوسان ٢٠٢٥ دەسوەپی بکەێد.
وەگورەی ڕاپۆرتەگە، گوایە پەرەسەنینەگە لە مانگ شوبات 2024 وە پەلاماریگ رووسیا لەبان هیزە چەکدارەیل ئۆکرانیا دەسوەپی کەێد، کە تا مانگ حوزەیران خود ساڵ کۆتایی تیەێد، یەیش دویای داوەزیان هیزە چەکدارەیل ئۆکرانیا.
رووژنامەی بیڵد ئویشێد: لە بەڵگەنامەگە شوین و رووژ و شیوەی کردەوەیل ڕووسیا و خوەرئاوا دیاری کریاس، کە رەسێدە لویتکە وە کلکردن سەدان هەزار سەرباز ناتۆ و هیزگردن حەتمی جەنگ لە تاوسان 2025. ”
وەگورەی زانیارییەیل، شایەت شوین جەنگەگە ری سوالکی لە ناوەین بێلاڕووس و ناوچەی کالینینگراد بوود. بەڵام نویسەرەیل باوەتەگە ئەو پرسیارە وە واز هیلن کە ئی پەرەسەنینە چوین تەواو بوود.
رووسیا چەن جاربگ زوور لەوە کردیە کە مەترسی لەبان هویچ وڵاتیگ ناتۆ دروس نیەکەێد، بەڵام ئەو ریکارەیلە پشتگووش نیەخەێد کە هاتێ بوودە مەترسی لەبان بەرژەوەنییەیل.
لە خود وەخت وە واز مینن ئەرا گفتوگۆ، بەڵام لەبان ئاستیگ یەکسان و بایەسە خوەرئاوا واز لە ری میلیتاریزەکردن کیشوەرەگە بارێد.
