ئیران سزای خاڵوو مەهسا ئەمینی وە پەنج ساڵ زیندایکردن دەێد
ژینا ئەمینی لە ناوڕاس مانگ ئەیلوول ٢٠٢٢، دویای دەسگیرکردنی وە توومەت بەد پووشین وە حیجاب گیانی لەدەسدا.
دادگا چەن توومەتیگ وە عائلی کرد، لەلیان باسکردن قسەیلیگ دژوە حکومەت ئیران لەناو ناڕەزایەتیەیل ٢٠٢٢، کە گشت وڵاتەگە گردەو، لەبان کوشتن ژینا ئەمینی.
ریخریاگ هەنگارۆی نەرویجی وت: بڕیار زیندایکردن لەبان عائلی تا ماوەی پەنج ساڵ و چوار مانگ وەلایەن دادگای ئینقلابی لە شوین لەداڵگبوینی لە سەقز باکوور خوەراوای وڵاتەگە دەرچگ.
سایت هرانای دادپەروەری لە زوان پارێزەر عائلی، ساڵح نیکباخت وت: بەشیگ لە سزاگە خریاسە دویا، و بایەسە عائلی سێ ساڵ و شەش مانگ لەناو زیندان بوود، وە توومەتەیل بەشداریکردن لەو ناڕەزایەیلە کە ئاسایش ناوخوەیی شکنێد و بڵاوکردن پرۆپاگەندەی دژوە حکومەت، و سووکایەتیکردن وە ریبەر باڵا عەلی خامەنائی.
ژینا ئەمینی، دویەت کورد ئیرانی، لە ١٦ی ئەیلوول ٢٠٢٢، دویای سێ رووژ لە دەسگیرکردنی وەلایەن پولیس ئەخلاق لە تەمەن ٢٢ ساڵان گیانی لەدەسدا، ئەوەیش لەبان پابەندنەوینی وە ریسگا سەختەیل پڕتاڵ و دڵنگ، و لە بان کوشیانی ناڕەزایەیل فراوانیگ بڵاو بوی، و دروشم (ژن ژیان ئازادی) هەڵگردن.
