ئیران ئەرا نواگردن شەپۆل نوو کۆڕۆنا تیەێدەو ئەرا کەرەنتین
شەفەق نیوز/ عەلی روبەیعی قسەکەر وەناو حکومەت ئیران، ئمڕوو شەممە، راگەیان بردن ریکارەیل سەختیگ، لەلیان بەسانن مەزارە ئایبنیەگان و ناوەندە بازاریەگان لە ٤٣ شار ئەرا نواگردن شەپۆل نوو لە بڵاوبوین ڤایرۆس کۆڕۆنا.
روبەیعی لە وتاریگ رۆژنامەوانی، ئاژانس شەفەق نیوز چەودیریی کرد وت؛ ئەرا پاڵپشتی و هەماهەنگی و چەودیری و جیوەجی کردن بڕیارەیل دەسەی نیشتمانی ئەرا نواگردن کۆڕونا وەسەختی، ئەوەسا وەی نزیکە وەرپرس فەرماندەی دەسەی نیشتمانی ئەرا نواگردن کۆڕونا دانریەێد.
وتیش؛ لە رووژ دووشەممە ئایندە ٢٦ تەشرین یەکەم تا ٢٠ تەشرین دوویەم، گشت دامەزراوە حکومەتیەگان وەنیمەی فەرمانەبەرەیلیان کار کەن، وبایەدە گشت وەڕێۆبەرەگان بلانەیل پێویست دانەن ئەرا وەڕێوبردن دامەزراوەیلیان و پێشێلکاری جیوەجیکردن ئەرکەیلیان نەکەن.
روبەیعی ئاماژەکرد ک ریکارە نووەگان بەسانن ناوەندە بازاریەگان و زانکۆەگان و مەکتەوەگان و چێشتخانەگان و مەزارە ئایبنیەگان و حەوزەگان و ناوەندەبل گەشتیاری ەگو سینما و شانۆ و پەکخستن رکابەریە وەرزشیەگان گرێدەو، و دوکانەیل خواردەمەنی و نانەواخانە و دامەزراوەیل خزمەتگوزارییەگان و ناوەە ئەمنیەگان لە کارەیل خویان وەردەوام بوون.
