دۊای چەپگیگ لە سزا.. سەرۆک بیلاڕووسیا واز لە پشتگیری رووسیا تیارێد
2022-03-01T11:00:51+00:00
شەفەق نیوز/ ئەلیکسەندەر لۆکاچینکو سەرۆک بیلاڕووسیا، ئمڕوو سێشەممە، راگەیان وڵاتەگەی پلان نەیرێد بکەفێدە ناو ئەو جەنگ رووسیا لەناو ئۆکرانیا.
لۆکاچینکۆ ئی بڕیارە دۊای ئەوە دا ک ئۆرسولا فون ديرلاين خانمە سەرۆک کۆمسیۆن ئەوروپایی راگەیان وەگەرد دەوڵەتەیلیگ تر سزایل نوویگ خەنە بان بیلاڕووسیا وە قەیەغەکردن هەناردەیل فرە گرنگ لە کەرت ئابووری لەبان رژیم مینسک ک دەسی هاناو داگیرکردن ئۆکرانیا لەلایەن رووسیا.
لۆکاچینکو توومەتەیل کیێڤ رەتکرد ک ئۊشێد هێزەیل رووسیا لە خاک بیلاڕووسیا پەلامار ئۆکرانیا دەن.
