دویای کوشتن باوگی.. فەرزەن ئیدریس دیبی بوودە سەرۆک چاد

شەفەق نیوز/ بەڵگەنامەیگ گواستنەوە، ئمڕوو چوارشەممە، لەبان ماڵپەڕ ئەلیکتڕۆنی سەرۆکایەتی وڵات چاد، راگەیان ک ژەنیڕاڵ محمد ئیدریس دیبی بویە سەرۆک ئەنجومەن سەربازی گواستنەوەیی، ک رووژ سێشەممە دامەزریا، دویای مردن ئیدریس دیبی باوگی، ئەرک سەرۆک کۆمار هەڵگرێد.

ژەنیڕاڵ محمد ئیدریس دیبی، خوەی ئەفسەریگە لە سوپای چاد، و سەرپەرشتیاری وەڕێۆبەرایەتی گشتی دەزگای ئاسایش دامەزراوەیل دەوڵەتەگە کرد، ک لەلای چادییەکان وە پاسدارەیل سەرۆکایەتی ناسریاگە.