دویای پەیجەر.. تەقیان ئامێرەیل وایەرلێز ئەندامەیل حزبولڵای لوبنان

شەفەق نیوز/ سایتەیل عەرەبی و جەهانی، ئمڕوو چوارشەممە، خەوەردان لە ژنەفتن رممەی تەقینەوەیل بویچگ لە چەن ناوچەیگ لوبنان لە باشوور تا بەیروت.

وەگورەی سایت سکای نیوز عەرەبیە، خەوەر لە تەقیان بڕیگ ئامێر پەیوەندیکردن وایرلێز لە شار سوور باشوور لوبنان.

و باس ژنەفتن رممەی تەقینەوەیلیگ لە ناوچەی باشوور بەیروت کرد.

خانمە پەیامنێر سایت (رووسیا ئمڕوو) وت: شمارەی فرەیگ لە ماشینەیل فریاکەفتن روی وەرەو شوین تەقینەوەیل کردن.

وتیش؛ مەزەنەی سەرەتایی باس تەقیان ئامێرەیل وایەرلێز ئەندامەیل حزبولڵا کەن.

سکای نیوز وتیش: ئەو رممەیلو وەگەرد پرسە و ماڵئاواییکردن لە تەرم کوڕ نوینەر حزبو٦لە پەرلەمان لوبنان عەلی هەنار لە باشوور بەیروت هات.

دویەکە سێشەممە، هەزاران لە ئامێرەیل وایەرلێز (پەیجەر- Pagers) وەناکاوەو تەقینەو لە لوبنان و سوریا وەیەکەو تەقینەو.

ئەو رویداوە بویە مدوو کوشیان ٩ کەس شەش لەلییان ئەندامن لە حزبولڵا، و زەخمداری نزیکەی سێ هەزار کەس ترەک، لە رویداویگ کە حزبولڵا وەرپرسایەتی تەواوی خستە مل ئیسرائیل.