دوو زەویلەرزەی تون لە زەریای هێمن و پورتوگال
دەسەی وەشکین جیوڵۆجی ئەمریکی وت: زەویلەرزەیگ وەتونی ٦.٩ پلە لەبان پەیمانەی ریختەر داد لە دوورگەی تۆنگا لە زەریای هێمن، ئەوەیش وەگەرد گردەوبوین سەرکردەیل بیگانە لە وڵاتەگە، ئەرا لویتگەیگ هەرێمی.
پایتەخت کناراوی تۆنگا، میوانداری کۆنفرانس نۆکی ئەلۆڤا کەێد ئەرا دوورگەیل زەریای ھێمن، وە ئامادەبوین ئەنتۆنیۆ گوتیریش ئەمیندار گشتی نەتەوە یەکگرتگەیل.
هەرچەن هوشداری لە رویدان تسۆمامی نەوی، وەلێ بەشیگ کۆمپانیا و دوکان نزیک لە کەناراوەیل ئەرا ماوەی کوڵیگ چووڵ کریان.
زەویلەرزەگە وەقویلی ١٠٦ کیلۆمەتر بوی، و وەزوی کپەو بوی، لەو شلرە کە زەویلەرزە لەناوی باوە.
هەرلیوا ناوەند زەویلەرزەناسی ئوروپای ناوڕاس وت« زەویلەرزەیگ وەتونی ٥.٤ پلە داد لە ناوچەی لشبۆنە لە پورتوگال.
دیاری کرد کە زەویلەرزەگە وەقویلی ١٠ کیلۆمەتر لەناو دەریا بوی، و خەوەر لە کەفتن زەخمداری یا زەرەد دارایی نەڕەسیە.
