دادگايگ به‌لجيكى: غه‌رامه يا هاوردنه‌وه‌ى "مناڵه‌يل داعش"
2019-12-12T19:42:21+00:00
شه‌فه‌ق نيوز/ دادگا له برۆكسل، فه‌رمان وه حكومه‌ت به‌لجيكى كرد، يارمه‌تيده‌ر بدێ له هاوردنه‌وه‌ى 10 مناڵ به‌لجيكيه‌يل سه‌ر وه ريكخرياگ تيرۆريستى داعش ك له‌سوريا له‌دايگ بوينه ئه‌را وڵاته‌گه يا داين غه‌رامه.
دادگا وت: ئه‌و مناڵه‌يله ك ته‌مه‌نيان ها ناونى 7 مانگ تا 7 ساڵ، بايه‌سه باريه‌نه‌و ئه‌را به‌لجيكا له ماوه‌ى شه‌ش هه‌فته.
جى باسه، حاڵ حازر ئه‌و مناڵه‌يله هانه كه‌مپ په‌نابه‌ره‌يل ئه‌لهۆل له باكوور خوه‌رهه‌ڵات سوريا، ك ها ژير ده‌سڵات كورد، جوور ئه‌وه‌گ ئاژانس روێته‌رز ئاماژه وه‌پيكردگه.
