خوازین وینەی تریشقە بگرن و بویە کارەساتیگ
2021-07-12T12:51:45+00:00
شەفەق نیوز/ لە کەلەمەی دڵتەزنیگ، دوێەکە یەکشەممە، ١١ کەس لەلای کەمەو لە مەوقەی وێنەگری تریشقە لە شار جایبور لە باکوور وڵات هیند گیانیان لەدەس دان.
ئەو قوربانیەیلە خوازین مەوقەی رووشنەوبوی ئاسمان لە بان قەڵای کۆنەیگ لە شارەگە تومار بکەن، باوجی تریشقە داوەزیا و بویە هووکار ١١ کوشیان و چەن زەخمداریگ.
وەگورەی میدیایل راگەیانن هیندی، ٢٧ کەس لە مەوقەی تریشقەگە لەبان ئەو قەڵا بوین، و بەشیگیان خوەی خستە خوار.
ئەفسەر پۆلیس گەورەیگ ئەرا میدیایل راگەیانن وت: فرەی کوشیایەیل بان قەڵاگە لە گەنجەیل بوین.
