خه‌ڕگاوه‌يل كۆلۆمبيا 250 كه‌س كوشت و بيسه‌ر وشوون كرد
2017-04-02T12:02:00+00:00
شه‌فه‌ق نيوز/ له وڵات كۆڵۆمبيا فيشتر له 250 كه‌س گيان له‌ده‌س دانه‌و سه‌دان كه‌سيش بيسه‌ر وشوون بوينه له‌ئاكام خه‌ڕگاوبوين خاك وخوه‌ڵ وه بوونه‌ى واران فريه‌يگ ك له‌و وڵاته واريه له ناونى ناوچه‌يل بيرۆ تا ئه‌كوادۆر.
له‌ى باوه‌ته‌و، خوان مانويل دوس سانتوس سه‌رۆك كۆلۆمبى وت: شماره‌ى قوربانيه‌يل ره‌سيه‌سه نزيه‌ى 254 كه‌س و ده‌سڵاته‌يل ئه‌و وڵاتيشه باس له‌وه كرد ك 200 كه‌س بيسه‌ر و شوونن وه بوونه‌ى به‌رزه‌وبوين ئاو موكوا و سه‌رچه‌وه‌يلى ك روێكرده‌سه شاره‌گه‌و وه‌شيوه‌يگ خه‌ڕگاوين و شماره‌يگ مه‌ردم كوشتگه‌و بيسه‌ر وشوون كردگه.
له‌لايه‌ن خوه‌ييشه‌و، سيزار ئۆروينا وه‌ڕيه‌وبه‌ر گشتى وه‌هاناڕه‌سين له خاچ قرمز كۆلۆمبى وت: شماره‌ى ئه‌و قوربانيه‌يله وه‌شيوه‌ى ترسناكيگ به‌رزه‌و ئه‌دێ.
