حکومەت ئیران ئەرا گەشتوگوزاری و زیایکردن هەناردە پشت وە کرماشان بەسێد

شەفەق نیوز/ ئیبراهیم رەئیسی سەرۆک ئیران، ئمڕوو پەنجشەممە، وت: حکومەتەگەی پشت وە پارێزگای کرمانشاە بەسێد لە بتەوکردن گەشتوگوزاری وزیایکردن بڕ هەناردەی کاڵا و شمەک وەگەرد عراق.  

رەئیسی لە وتاریگ رووژنامەوانی مەوقەی رەسینی ئەرا پارێزگاگە وت: کرمانشاە وە رووبەر فراوانی لە زەوی نەخت و کشتوکاڵی خاسی جیاوازە.   

وتیش: زەمینەی خاسیگ لە پارێزگای کرمانشاە هەس ئەرا گەشتوگوزاری وهەناردە، چوینکە کەفتیەسە بان سنوور عراق.   

بەختیار رەحمانی سەرپەرشتیار گشتی گومرگ پارێزگای کرمانشاە، رووژ شەممە، وت: هەناردەیل وڵاتەگەی ئەرا عراق رەسیە زیاتر لە یەک ملیار و ٤٩٠ مەلیۆن دۆلار ئەمریکی لەڕی مەرزەیل سنووری هشکایی وەماوەی سێ مانگ گوزەشتە.