حووسیەیل وەئاکامجگرتن کەشتییگ ئەمریکی راگەینن
2024-03-12T14:34:33+00:00
شەفەق نیوز/ کۆمەڵەی ئەنسارولڵا (حووسی)، ئمڕوو سێشەممە، وەئاماجگرتن کەشتییگ ئەمریکی لە دەریای سوور راگەیان، و هەڕەشەی پەلامارەیلیگ زیاتر لە مانگ رەمەزان دا.
لە بەیاننامەیگ کە ئاژانس شەفەق نیوز نووڕیەی وت: هیزەیل دەریایی لە هیزەیل چەکدار یەمەنی ئۆپەراسیۆنیگ وەئامانجگرتن کەشتی (Pinocchio) ئەمریکی وە بڕیگ مووشەک دەریایی جیوەجی کردن و رەسینە ئامانج خوەیان.
وتیش: هیزەیل چەکدار یەمەنی دووپات لە وەردەوامی نواگیری دەریاوانی ئیسرائیلی یا ئەوانەگ وەرەو بەندەرەیل فەلەستین داگیرکریاگ لە بەحرەین و دەریای سوور روی کەن، تا وسیان دوژمنایەتیی و هەڵگردن گەمارۆدان لەبان گەل فەلەستین لە کەرت غەزە.
کۆمەڵەگە دووپات کرد کە هیزەیل چەکدار راگەینێد کە ئۆپراسیۆنەیل سەربازیی لە مانگ رەمەزان زیایەو بوود ئەرا پاڵپشتیکردن گەل فەلەستین ستەمدیدە و برا موجاهدەیل لە کەرت غەزە.
