حزبولڵا ئامار قوربانیەیل و زەخمدارەیل تەقیان ئامێرەیل "بايجەر" راگەینێد
شەفەق نیوز/ حزبوڵای لوبنان، ئمڕوو سێشەممە، شمارەی قوربانی و زەخمدارەیل لە ئەنجام تەقیان ئامێرەیل وەرگردن پەیام ناسریای وە “پایجەر” ڕاگەیان.
بەیاننامەیگ حزبولڵا کە ئەرا ئاژانس شەفەق نیوز رەسیە وت: “نزیکەی ساعەت ٠٣:٣٠ی دویای نیمەڕو ئمڕوو سێشەممە، شمارە ئامێر وەرگردت پەیام ناسریلی وە “باگەر” و لە لایەن شمارەیگ کارمەنەیل یەکە و دامەزراوە جویراجویر حیزبوڵڵای لوبنان تەقینەو، و ئەوەیش بویە مدوو تا ئێستا کوشیان دویەتیگ و دوو برا و زەخمداری شمارەیگ فرە کەس”.
باس ئەوەیش کرد کە "دەزگایل حزبولڵا ئیرنگە کەفتنەسە لێکۆڵینەوەیگ ئەمنی و زانستی فراوان ئەرا رەسین وە بندروس رویداوەگە و تەقیانیان وەیەکەو وخزمەتگوزارییە پزیشکی و تەندروسییەیل چارەسەری زەخمدارەیل کەن کە ئەرا خەسەخانەیل ناوچە جیاجیایل لوبنان بریان”.
حزبەگە داوا کرد “ئاگاداری ئەو دەنگ و زانیاری ناڕاسەیلە و چەواشەکارانە بوون کە لە لایەن بەشیک لایەنەو وەشیوەیگ لە خزمەت جەنگ دەروینی لە بەرژەوەنی دوژمن زایۆنیدا بڵاو کریەن، وە تایبەت کە یە وەگەرد وتار رخبردن و هەڕەشە دژ دوژمن زایۆنیستی و ئەوەگ ناوی وە ئاڵشتکردن رەوش باکوور بەێد”.
سەرچەوە ئەمنییەیل و وەچەودیەیل باس لەوە کردنە کە سەدان ئەندام حزبولڵا لە لوبنان وە سەختی زەخمدار بوین، دویای تەقینەوەی ئەو ئامێرە ڕادیۆییەیلە کە هەڵیان کردنە لە باشوور بەیروت.
لەلاییگ ترەک ئاژانس مێهر ئیرانی راگەیان کە موجتەبا ئەمانی باڵوێز ئیران لە لوبنان لە ئەنجام تەقینەوەی کەرەستەی پەیوەندی لە لوبنان زەخمدار بویە.
