جادوو سیا.. تاوانیگ وڵات هندستان لەرزنێد
شەفەق نیوز/ دەسەڵاتیل هندستان، ئمڕوو چوارشەممە، دەسگیرکردن سێ کەس لە ویلایەت کیرالا راگەیانن، گومان کریەێد دوو ژن کردنەسە قوربانی لە کارەیل جادوو سیا.
مۆنتی کارلو لە زوان پۆلیس وت: دوو توومەتبارەگە ژن وشوییگ و پیاویگتر وەگەردیان بویە، شکەنجەی قوربانیەیل دانە تا گیانیان لەدەسدانە، و هەمیش وت: ئەو کەسەیلە کار جادوو سیا کەن.
ئەو باوەت دڵتەزنە بویە ناونیشان خەوەریل هندستان، و نیگەرانی لەلای خەڵک ویلایەت کیرالا پەیا کرد.
جی باسە ک "جادوو سیا" هیمان لە شوینەیلیگ لە هندستان هەس، ک کەسەیلیگ باوەڕ دیرن ئی جادووە توەنێد کارەیلیگ ئەرایان ئەنجام بەێد یا هیلێد ژنەیل بزان، یا بیماری خاسەو بکەێد یا واران بوارێد.
هەرلیوا، سایت "india today" وت: ئەو کەسەیلە ک دەسگیر کریانە پویل نەیاشتنە، و کەش ئەو قوربانیەیلە بڕینە و کوڵاننە و خواردنە، تا بڕەسنە ئاست جادووییگ وەناو "VPN".
