تەڵا لە نزمترین ئاست خوەی لە ساڵ 2025ـەو لەناو بەرزەوبوین پەیمانەیی دۆلار
شەفەق نیوز - وەدویاچگن
نرخەیل تەڵا، ئمڕوو سێشەممە، لە نزیک نزمترین ئاستەیلی لە زیاتر لە ساڵیگ جیگیر بوین، وە کاریگەری هێز دۆلار ئەمریکی و زیایبوین مەزەنەیل وە بەرزکردن نرخەیل سوو وە لایەن ئەنجومەن یەدەگ فیدراڵییەو لە ماوەی مانگ ئایندە.
تەڵای دەسوەجی 3869.13 دۆلار ئەرا هەر ئۆنسەیگ توومار کرد، لە وەختیگ گرێبەسەیل ئایندەی ئەمریکی رادەسکردن کانوون یەکەم وە رێژەی 0.5% بەرزەو بوین ئەرا 3872.10 دۆلار.
یەیش لە دویای داوەزیان تەڵا ئەرا نزمترین ئاستی لە تشرین یەکەم 2025ـەو لە ماوەی دانیشتن دووشەممە هات، هاوکات وەگەرد بەرزەوبوین دۆلار ئەرا بەرزترین ئاست خوەی لە 19 مانگەو، کە کانزا زەردەگە گرانتر کرد ئەرا سەنینکارەیل لە خاوەن پویلەیل ترەک.
بازاڕەیل چەوەڕێ دەرچگن کوونویس کۆبوینەوەی یەدەگ فیدراڵی لە رووژ چوارشەممە کەن، ئەرا مینەکردن نیشانەیل لەبان رێڕەو سیاسەت نەختینەیی، لە سای مەزەنەیل وە بەرزکردن نرخەیل سوو، ئەو کارە سەرنجڕاکێشی تەڵا کەمەو کەێد کە داهات نەیرێد.
لە بازاڕەیل کانزایەیل ترەک، نوقرە وە رێژەی 1.2% بەرزەو بوی ئەرا 47.57 دۆلار ئەرا هەر ئۆنسەیگ، و پلاتین وە رێژەی 1.6% چگەبان ئەرا 1472.65 دۆلار، لە وەختیگ پالادیۆم وە رێژەی 1% بەرزەو بوی ئەرا 978.19 دۆلار ئەرا هەر ئۆنسەیگ.