ته‌نيا كوڕه‌گه‌ى عومه‌ر موختار ماڵئاوايى يه‌كجارى له دونيا كرد
شه‌فه‌ق نيوز/ ئمڕوو محه‌مه‌د عومه‌ر موختار، كوڕ سه‌ركرده‌ى ليبى عومه‌ر موختار له ته‌مه‌ن 97 ساڵان له شار به‌نغازى له خوه‌رهه‌ڵات ليبيا ماڵئاوايى يه‌كجارى له دونيا كرد.
له‌ى باوه‌ته‌و، سه‌رچه‌وه‌يليگ له هووز ئه‌لمه‌نفه‌ى باوان موختار وتن: محه‌مه‌د دوياى نيمه‌ڕوو ئمڕوو مردگه له ماڵه‌گه‌ى خوه‌ى له ناوچه‌ى ئه‌لحه‌دائق له شار به‌نغازى له خوه‌رهه‌ڵات ليبيا.
ئه‌و سه‌رچه‌وه‌يله هه‌ميش وتن: كوڕه‌گه‌ى عومه‌ر موختار چه‌ن نه‌خوه‌شييگ داشتگه وه بوونه‌ى گه‌ورايى ته‌مه‌نيه‌و، ك لناو وڵاته‌گه‌و له ده‌يشت وڵاتيش چاره‌سه‌ر ئه‌راى كرياگه‌و دويا گه‌شتيشى ئه‌را ئيمارات له‌وه‌ر چاره‌سه‌ر 3 مانگ دريژه داشتگه.
جى باسه، محه‌مه‌د عومه‌ر موختار له‌ساڵ 1921 له ناوچه‌ى ئه‌لعوێليه له خوه‌رهه‌ڵات ليبيا هاته‌سه دونياو ژيان وه‌ل وه‌نيسه جيلانى داڵگى و بڕيگ له قه‌ومه‌يلى برده سه‌ر.
