ترامپ: ئيران 16 مليار دۆلار له‌بان ميليشيايه‌يل له سێ ده‌وڵه‌ت خه‌رج كردگه
2018-03-20T06:35:00+00:00
شه‌فه‌ق نيوز/ دوناڵد ترمپ سه‌رۆك ئه‌مريكى ئاشكراى ئه‌و خه‌رجه‌يله كرد گ رژيم ئيرانى خه‌رجيان ئه‌كا له‌بان ترۆر، يه‌يش له‌وه‌ختيگ ك وزاره‌ت خه‌زانه‌ى ئه‌مريكى سه‌رقاڵ ده‌رخستن پشتگيرى وڵاته‌گه‌يه له ملله‌ت ئيرانى وه‌ل ئه‌و هه‌مگه چه‌ودێرى و ناڕه‌حه‌تيه ك ناڵنێد وه‌ده‌سيه‌و.
ترامپ وت: پاسه‌وان شۆڕش ئيرانى 16 مليار دۆلار له‌ساڵ 2012 تائيسه له دارايه‌يل ملله‌ت ئيرانى ئه‌را رژيم به‌شار ئه‌سه‌د و ميليشيايه‌يل ترۆريستى له سوريا و عراق و يه‌مه‌ن خه‌رج كردگه.
جى باسه، ترامپ له هه‌مان وه‌خت يه‌يش ده‌رخست و وت: پاسه‌وان شۆڕش ئيرانى سوپايگه قووت ملله‌ت ئيرانى وه تاڵان ئه‌ياد وه‌خاتر ته‌مويلكردن تيرۆر له ده‌يشت وڵات.
