تاڵیبان یەکەمین ماشین ئاشکەراکرد ک لەئەفغانستان دروسکریاس
2023-01-12T07:52:41+00:00
شەفەق نیوز/ لە دویای بڵاوکردن ڤیدیۆیگ وەلایەن قسەکەر بزوتنەوەی تاڵیبان لە ئەفغانستان زەبیحوڵا موجاهد، ک لە پارچە ڤیدیۆیگ ماشینیگ وەرزشی دەرچگە شیوەی لە "فیراری" کەێد و هاوڵاتییگ ئەفغانی دیزاینی کردیە، کاردانەوەی فرەیگ داشت لەبان تووڕ کۆمەڵایەتی.
زەبیحوڵا موجاهد لە تویتیگ لەبان تویتەر وت: ماشینەگە ئەندازیار محەمەد رەزا موحەمەدی دیزاینی کردیە، با لە هویردەکاری زیاتر لە تایبەتمەندی یا ماوەی دروسکردنەگەی نەکردیە.
وە لایگیش محەمەد سوهەیل شاهین فەرماندە لە تاڵیبان پارچە ڤیدیۆیگ لە تویتەر بڵاوکردیە و ئوشێد:" مەراسیم پەردەلاوردن لەبان ئەو ماشینەی ئەندازیار ئەفغانی م.رەزا محەمەدی دروسکردیە...بایەتە گشت گەنجەیل شایستەی ئەفغانستان دەربکەفن تا دەوریگ لە ئاوەدانکردن و بونیاتنان ئەفغانستان بیاشتوون.
