تاڵیبان توڵەی خوەی لە داعش سینێدەو و ١٥ لەلیان کوشێد و دەسگیر کەێد
2023-01-05T07:36:54+00:00
شەفەق نیوز/ بزووتنەوەی تاڵیبان، ئمڕوو پەنجشەممە، کوشیان هەشت ئەندام داعش لە ئەفغانستان راگەیان، و دەسگیرکردن هەفت لەلیان دویای پەلاماریگ لەبانیان، و دیاری کرد ک یانە دەسیان لەناو پەلامار هوتێلیگ بویە.
زەبیحولڵا موجاهد قسەکەر تاڵیبان لەبان تویتەر نویسان: ئەو ئەندامەیلە دەس سەرەکی داشتنە لە پەلامار ئەو هوتێلە ک چینەیل لەناوی نیشن، و ری واز کردنە تا ئەندامەیلیک بیگانە لەناو ریخریاگ داعش ویلایەتە خوراسان بانە ناو ئەفغانستان.
وتیش: چەک و تەقەمەنی فرەیگ کەفتە دەس هیزەیل ئەمنی.
جی باسە چەن پەلاماریگ تیرۆری لە مانگەیل گوزەشتە لە ئەفغانستان روی دا، و ریخریاگ داعش وەرپرسایەتی خوەی لە بەشیگیان راگەیان.
