تاوانیگ دڵتەزن.. داڵگیگ میسری سێ مناڵەگەی خوەی کوشێد
شەفەق نیوز/ داڵگیگ میسری تاوان دڵتەزنیگ وە سێ مناڵەگەی خوەی کرد، ودوایی جیوەجیکردن ئەو تاوانە، تەقەلا دا خوەییش بکوشێد.
وەزارەت ناوخۆی میسری لەبەیاننامەیگ وت: دەزگا ئەمنیەیلە لە پارێزگای دەهلەقیە خەوەر ئەرایان رەسی ک ژنیگ لەبان کوپری ئاوایەگە خوەی خستیەسە نوای تراکتۆریگ، وزەخمدار بویە.
وتیش: هەنای رەسینە ماڵەگەی، تەرم هەرسێ مناڵەگەی پەیا کردنە، و زەخمداری کریانە، وچەقوویگ وەخوین پلیاگ لە شانیان بویە.
دەسەڵاتەیل کاغەزیگ وەدەسنویس داڵگەگە پەیا کردن، ئەرا شۊەگەی نویسیایە ک لە دەیشت میسر کار کەێد، لەناوی داڵگەگە ئاشکرای تاوان کوشتن مناڵەیلی کەێد، ک دیارە رەوش دەرۊنیی خاس نییە.
خەڵک ئاوایەگە، ئەو ژنە وزەخمداری پەیا کردن، و رەساننەی خەسەخانە، و هەمیشە سێ رووڵەی ئەو ژنە وەسەربڕیاگ لەناو ماڵەگە پەیا کردن.
رووژنامەی ئەهرام میسری وت: ژنە توومەتبارەگە دەرچگ زانکۆ بویە، وتەمەنی ٣٠ ساڵانە، وتەمەن شۊەگەی ٣٣ ساڵانە ولە سعودیە کار کەێد.
مناڵە قوربانیەیلە لە تەمەن، سێ مانگان، پەنج ساڵان، ١٠ ساڵان بوینە.
