بەرزەوبوین ئامار تەقینەوەی بەندەر رەجائی ئەرا 281 زەخمدار
شەفەق نيوز/ ئامار زەخمدارەیل لە ئەنجام تەقینەوەیگ لە بەندەر رەجائی لە بەندەر عەباس باشوور ئیران، رەسیە 281 کەس، وەگورەی میدیایل ئیرانی.
لەلای خوەییش، تەلەفزیۆن ئیران لە خەوەری کە ئاژانس شەفەق نیوز لەلی ئاگادار بوی وت: تەقینەوەیل لەشوینیەک تیەن لە بەندەر شەهید رەجائی، و دووپات کرد کە تەقینەوەیگ ترەک نەویە جویر ئەوەگ بەشیگ لە میدیایەیل باسی کەن.
لەلای خوەییش، ئازانس فارس وت: تەقینەوەگەی بەندەر رەجائی لەناو مەیدان ئەمارکردن کبریت بویە.
وەرجە کەمیگ، ئاژانس "تەسنيم" ئیرانی خەوەردا لە تەقینەوەی گەورەیگ لە بەندەر شەهید رەجائی بە شار بەندەر عەباس باشوور ئیران، دیاری کرد کە تەقینەوەگە لەناو نویسینگەیل بەندەرەگە بویە.
پەیامنێر تەسنیم وت: تانکی سزەمەنی لەناز بەندەر شەهید رەجائی لەوەر هوکار نادیاریگ تەقیەو، و تیمەیل وەڵامدان زویوەزوی وەکوتپڕ ئەرا ناوچەگە کلکریان.
میدیایەیل ناوخوەیی ئیران دووپات کردن کە تەقینەوەگە فرە قایم و بەرز بویەڕ کە زەوی هاوردە لەرزە و دەنگی رەسیە شارە نزیکەیل، و شویشەی بینایەیلیگ شکان کە چەن کیلۆمەتریگ لە بەندەرەگەو دویرن.
