بڕیان کارەبا لە 8 ناوچەی ئۆکرانیا لە ئەنجام پەلامارەیل رووسیا

بڕیان کارەبا لە 8 ناوچەی ئۆکرانیا لە ئەنجام پەلامارەیل رووسیا
2026-11-17T09:36:28+00:00

شەفەق نیوز- کیێڤ

ئارتیم نێکراسۆڤ جێگر وەزیر وزەی ئۆکرانیا، ئمڕوو سێشەممە، وت: پەلامارەیل رووسیا ئەرا بان ژیرخان وزە لە ئۆکرانیا بۊنە مدوو بڕیان تەزوو کارەبا لە 8 ناوچە.

نێکراسۆڤ دیاری کرد، کارەبا لە ناوچەیل دنیپرۆپێترۆڤسک و دۆنێتسک و زاپۆریژیا و میکۆلایڤ و ئۆدێسا و سومی و چێرنیهیڤ و چێرنیڤتسی بڕیاگە.

لە وەردەوامی قسەیلی وت: "رەوشەگە فرە سەختە لە هەردوگ ناوچەی دنیپرۆپێترۆڤسک و زاپۆریژیا، و لە هەفتەی گوزەشتەو، رووسیا وەردەوامە لە پەلامارداین دامەزراوەیل وزە لە ناوچەی دنیپرۆ".

وەرجە چەن رووژیگ کەم، دەسە پەیوەنیدارەیل وە رێکخسن سەلامەتی ئەتۆمی لە 38 وڵات، رخداریەیل رویدان رویداویگ ئەتۆمی لە ئۆکرانیا لە ماوەی وەرز زمسان ئاشکرا کردن، و وە ئەوەگ وەسفی کردن کە جویر "کارەسات چێرنۆبڵ" بوود.

مۆسکۆ پەلامارەیلی وە فڕۆکەیل بێفڕۆکەوان و مووشەک ئەرا بان دامەزراوەیل وزەی ئۆکرانیا خەسترەوکردیە، لە ناویان وێستگەیل کارەبا و کڕ گواستنەوە و وێستگەیل بەشکردن لاوەکی، لە وەختیگ تووڕ وزە لە ئەنجام ئەو جەنگە  نزیکەی 5 ساڵە وەردەوام تویش زەرەدەیل گەپیگ هاتگە.

Shafaq Live
Shafaq Live