به‌ڵگه‌يل نهێنى.. كاره‌سات روێ له ئه‌مريكا ئه‌كاو 96مليۆن كۆرۆنا ئه‌گرن و 1،5مليۆن مرن
2020-03-08T09:17:46+00:00
شه‌فه‌ق نيوز/ به‌ڵگه‌يل نهێنى باس له‌وه ئه‌كه‌ن نه‌خوه‌شخانه‌يل ئه‌مريكا ئاماده‌ن ئه‌را پيشوازيكردن له نزيكه‌ى 96 مليۆن كه‌س تويشهاتگ وه ڤايرۆس كۆرۆناى تازه‌و نزيكه‌ى مليۆن و نيميگ حاڵه‌ت گيان له‌ده‌سدان.
ئى مه‌زه‌نه‌يل پيشبينى كرياگه له‌لايه‌ن پزيشكيگه‌و وه‌ناو جه‌يمس لاوله‌ر ده‌ركه‌فتگه و جوور مامۆسايگ كار ئه‌كا له ناوه‌نديگ پزيشكى له زانكۆى نبراسكاى ئه‌مريكى و ماڵپه‌ڕ "بزنس ئنسايدر" روينويسيگ له‌لى كه‌فته‌سه ده‌سى.
باس له‌وه‌يش كردگه نه‌خوه‌شخانه‌يل هه‌وه‌جه وه ئاماده‌كارى فراوانتريگ ديرن له ئيسه‌وه له‌وه‌ر خاتر كه‌مه‌وكردن شماره‌ى حاڵه‌ته‌يل مردن له گشت ولايه‌ته‌يل ئه‌مريكا.
