بنچینەی پەتایی سەختیگ لە ئەنفلەوەنزای باڵندە دەێد لە ئوسترالیا
2024-06-07T09:31:08+00:00
شەفەق نیوز/ حکومەت ویلایەت ڤیکتۆریای ئوسترالیا، ئمڕوو جمعە، ئاشکرای بڵاوبوین بنچینەیی "ئێچ ئێن 3" کە پەتای سەختە لە ئەنفلەوەنزای باڵندە لە پەنجەم کێڵگەی مامر نزیک ویلایەت مێلبۆرن.
کێڵگەگە کەفێدە ناوچەیگ قەیەغەکریای لە نزیک سێ ناوچەی ترەک کە لە هەفتەیل گوزەشتە ئەو بنچینە لەناویان بڵاو بوی.
لە خود وەختەگە، زنجیرەی بنچینەیگ جیاواز لە ڤایرۆسەگە "ئێچ7 ئێن9"، بڵاو بوی کە وەشیوەی ئەو بنچینەیل نییە کە وە جەهانی لەناو باڵندە و ئاژەڵەیل و ئایەم بڵاو بوی.
وەزارەت کشتوکاڵی لە ڤیکتۆریا وت: گشت شوینەگە خریا کەرەنتین تەندروسی و گشت مامریەیل وەشیوەیگ بیوەیی لەناو دریەن، و شوینەگە پاکەو کریەێد.
زیاتر لە نیم ملیۆن باڵندە لەناودریا لەوەر بڵاوبوین پەتاگە کە لە مانگ گوزەشتە دەسوەپی کرد، وەلێ یە بەشیگ بویچگە لە کەرت ئیوەتکردن مامر لە وڵاتەگە.
وەرپرسەیل ئویشن رخیگ لەبان خەڵکەگە نییە لە خواردن ها و گووشت مامر.
