باس تاوانه‌يل كويه‌ن جنسى وڵات فاتيكان گرته‌سه‌و
شه‌فه‌ق نيوز/ پۆليس ئوسترالى روێ تومه‌ت كرده جۆرج بيل كارديناڵ ئوسترالى ك جوور وه‌زير دارايى فاتيكانه وه ئه‌وه‌گ تاوانه‌يل فريه‌يگ جنسى ئه‌نجام داگه.
له‌ى باوه‌ته‌و، شين باتون جيگر مفوه‌ز پۆليس له ولايه‌ت فكتۆريا له كۆنگره‌يگ رووژنامه‌گه‌رى له شار ملبۆرن روێ تومه‌ت كرده كارديناڵ وه ئه‌وه‌گ روێ وه روێ بڕيگ له تومه‌ته‌يل په‌يوه‌سه وه تاوانه‌يل جنسى بووده‌و له گوزه‌يشته‌و ئاشكراى يه‌يش كرد ك مه‌ردمانيگ وه‌خاتره شكايه‌ت له‌بانى به‌رزه‌و كردنه‌و داوا له‌لى كرياگه له‌وه‌رجه‌م دادگا ئاماده بدێ.
جى باسه، كه‌نيسه‌ێ كاسۆليكى له ئوستراليا وت: بيل وه تونى گشت ئه‌و تومه‌ته‌يله ره‌ته‌و ئه‌كا ك روێ وه‌ڕوێ ئه‌كه‌نه‌و، له‌وه‌ر ئه‌وه‌گ بيل ك ته‌مه‌نى 76 قه‌سيگ بويه له شار بالارات له ولايه‌ت فكتۆريا وه‌رجه ئه‌وه‌گ بدێده گه‌وراێ ئه‌ساقفه‌ێ ملبۆرن و له ساڵ 2014يشه‌و له فاتيكان ژيه‌ێد.
