پیاییگ لە جەزائیر وە چەقوو خیزانەگەی کوشێد
شەفەق نیوز/ لە تاوانیگ قیزەوەن، باوگیگ جەزائیری، ژن و دویەت خوەی وە چەقوو کوشا، و کوڕەگەی وە زوور وەزنی لە دەسی دەرچگ، کە ئەویش ۆەخمدارە و لە خەسەخانە بیهووشە، لە ناوچەی بێزە لە ویلایەت ستێف خوەرهەڵات جەزائیر پایتەخت.
ئەو تاوانە شەو سێشەممە رویدا، کە باوگەگە وە چەقوو چحە ناو ماڵەگە، و ژنەگەی خوەی کوشت، ئیجا دویەتەگەی، و هەناێ کوڕەگەی هات داڵگ و خوەشگی رزگار بکەێد، وە چەقوو زەخمدار ئەویش کرد تا کەفتە زەوی، تا ئەرا خەسەخانە بریا، وئیرنگە کەفتیەسە ژیان و مردن لە ژیر چەودیاریکردن پزشکی.
خەڵک ناوچەگە وتن: باوگە تویش شیواشیو دەروینی هاتوێد، کە یە ماوەی کەمیگە لە کار دەرکریاس.
ئی رویداوە یەکیگە لەو رویداوەیل هاوشیوە لە توندوتیژی خیزانی کە رەسێدە کوشتن، کە لە هەفتەیل گوزەشتە توومار کریان، جویر ئەو پیاوە لە ویلایەت غردایە، کە چوار مناڵ خوای کوشت، و ئەو پیاوە کە دویەت کوورپەی خوەی لە ویلایەت شەلف کوشت.
