پاکستان وەڵام دەێد و گورزەیلیگ ئەرا ناو ئیران وەشنێد
ئەو سەرچەوەی باڵای هەواڵگرییە کە دەسەڵات بڵاوکردن زانیاری وە میدیایل نەیرێد ئەرا ئاژانس فرانس پرێسی وت: تەنیا توەنم ئەوە ئاشکرا بکەم کە ئیمە پەلامار لە دژ گروپە چەکدارەیل دژە پاکستان ئەنجام دایمنە کە لە ناو ئیران کریانە ئامانج، وتیش: بەیاننامەیگ حکومەت لە وەختیگ دویاتر بڵاو کریەێد.
شەوەکی ئمڕوو پێنجشەممە لە باشوو خوەرهەڵات ئیران چەن تەقینەوەیگ هەڵسیا، یەیش دویای دوو رووژ لە پەلامارەیل توهران لە دژ "ئامانجە تیرۆریستییەیل" لە پاکستان.
لە بەیاننامەیگ واژە زبریگ کە دوباتر لەلایەن هیزە چەکدارەیل پاکستانەو بڵاو کریا، لەناوی هات: “سوپای پاکستان هاتە ناو ئیران و شمارەیگ بنکەیل سەر وە گروپە تیرۆریستییە جیاخوازەیل کە بنکەیلیان لە ئیرانە وە مووشەک و فڕۆکەی بێفڕۆکەوان پەلامار دان” و زیادیکرد، “ئیمە و هووشداری دەیمن کە هەرکەسیگ پەنجەی درویژ بکەێد وە بڕیاری گلەو خوەێد هەرکەسیگ هویر لە پەلامار لەبانمان جیوەجی بکەێد وە شکست وسەرچەمیای و گلەو خوەێد."
دویای ئەوە، وەزارەت دەرەوەی پاکستان راگەیان کە هیزەیل سوپا زنجیرەیگ پەلامار سەربازی لەبان سەر حەشارگەی تیرۆریستەیل لە پارێزگای سیستان و بەلوچستان ئیران ئەنجام داگە.
هەواڵگری پاکستان راگەیان کە فڕۆکەیل سوپا لە قویلایی تا ٥٠ کم چوینەسە ئاسمان ئیرانەو.
میدیای فەرمی ئیران بڵاو کرد کە لە ئەنجامی تەقینەوەیل باشوور خوەرهەڵات ئیران سێ ژن و چوار مناڵ گیانیان لەدەسدا.
ئاژانسی هەواڵ فەرمی ئیران (ئیرنا) لە زوان وەرپرسیگ پارێزگایسیستان- بەلووچستان وت: “لە چەن ناوچەیگ دەورگرد شار سەراوان دەنگ تەقینەوە رەسیە گووش”.
سەرچەوە پاکستانییەیل ئاشکرا کردن کە سوپا کەمپەیل "سوپای رزگاریخوازی بەلوچستان" لە ناو پارێزگای سیستان و بەلوچستانی ئیران کردە ئامانج.
