پەیاکردن جیماگەی فڕۆکەی جیگر سەرۆک وڵاتیگ ئەفریقا
ئمڕوو سێشەممە، لازارۆس چاکوێرا، سەرۆک مالاوی لە وتاریگ راگەیان کە سەرجەم ئەوانەگ لەناو ئەو فڕۆکە بوینە کە جیگرەگەی ساولۆس کلاوس چیلیمای هەڵگروێد، کە دویەکە دووشەممە دیاری نەمەن، گیانیان لەدەسدانە.
سەدان سەرباز و پولیس و پاسەوانەیل دارستان وەمینەی فڕۆکەگە گەردی، کە خانم یەکەم وەرین هەڵگردوێد، دویای ئەوەگ شەفەق رووژ دووشەممە لە گەشتیگ 45 خولەک لە لیلۆنگوێی پایتەخت مالاوی وەرەو شاری مزوزو، نزیکەی 370 کیلۆمەتر وەرەو باکور.
سەرۆک کۆمار مالاوی وەرجەیە راگەیان کە ئەو فڕۆکە کە جیگرەگەی ساولۆس چیلیما هەڵگردیە و دیار نەما، هن سوپا بویە.
وتیش: لە ساعەت ٧:١٧ شەوەکی وە وەخا گرینتش لە لیلۆنگوی پایتەختەو باڵ گردیە بەڵام نەتوەنست دویای ٤٥ خولەک لە فڕۆکەخانەی ناودەوڵەتی مزوزو بنیشێدەو.
داوای نیشتنەوە لەوەر بەدی نووڕستن
وتیش: کۆنترۆڵ هامشوو ئاسمانی لە شار مزوزو (پایتەخت ناوچەی باکوور مالاوی) ئامۆژگاری فڕۆکەگە کردگە لە "بەدی نووڕستن" و بەدی کەشەوهەوا تەڤەلای نیشتنەوە دەێد و پێشنیار کردگە ئەرا لیلۆنگوێ پایتەخت گلەو بخوەێد.
سەرۆک وتیش سیگناڵ تاوەرەیل پەیوەندییەیل باس لە دویاترین شوین ناسیای فڕۆکەکە کەن لە خڕیگ 10 کیلۆمەتر (6 میل) لە ناوپەیک دارستان، کە لەو وەختەو بویە ناوچەیگ ئەرا مینەکردن گەڕان لەلایەن هیزەیل وەرگری مالاوی.
