پیاویگ ئەمریکی دویای کوشتن ژنەگەی دڵی وسێد

شەفەق نیوز/ دویای ئەوەگ ئاگادار پۆلیس کریا ک پیاویگ لەناو باخچەی ماڵەگەی مردیە، هیزیگ ئەمنی رەسیە شوینەگە،  تەرمگ ژنیگیش پەیا کرد ک ئیسە نریاسە چاڵ.     

وەگورەی دەسەڵاتەیل ناوخۆیی، تەرم جۆزیف ماکێنۆن، ٦٠ ساڵان، لەناو باخچەی ماڵەگەی لە شار ترینتون لە ویلایەت کارولینای ئەمریکا پەیا کریا، و هویچ زەخمیگ لەلەشی نەوی، و لە مینەکردن تەرم ژنیگیش پەیا کریا، ک تەمەنی ٦٥ ساڵە لە باخچەگە نریاسە خاک. 

دویای لێکۆڵینەوە و وەشکین، دەرکەفت ک پیاوەگە وە نۆڕەی دڵی مردگە، و ژنەگە خنکیایە، و ئاشکرا بوی ک جۆزیف ماکێنۆن ژنەگەی لەناو ماڵ کوشتیە، و ناسەی ناو کیسەی گەناڵخە، وچاڵیگ لەناو باخچەی ماڵەگە ئەرای کەنیە و لەمەوقەی پڕکردن قەورەگە دڵی وسیایە و ئەویش مردیە.