ئيران ئاماده‌گى خوه‌ى ده‌رخست ئه‌را ئاڵشت وئوڵشت زيندانيه‌يل وه‌ل ئه‌مريكا

شه‌فه‌ق نيوز/ ئيران ئاماده‌گى خوه‌ى ده‌رخست له‌وه‌ر ئه‌نجامداين ئاڵشت و ئوڵشت ته‌واويگ ئه‌را زيندانيه‌يل وه‌ل وڵاته‌يل يه‌كگرتگ.

له‌ى باوه‌ته‌و، ماڵپه‌ڕ "خه‌به‌ر ئۆن لاين" ئه‌لكترۆنى، له‌ زووان عه‌لى روبه‌يعى قسه‌كه‌ر وه‌ناو حكومه‌ت ئيرانى ئه‌وه‌ ده‌رخست ك وڵاته‌گه‌ى ئاماده‌س له‌وه‌ر ئاڵشتكردن زيندانيه‌يل وه‌ل وڵاته‌يل يه‌كگرتگ، ك واشنتۆن هيمان له‌ى باوه‌ته‌و جواو ئيران نه‌ياسه‌و.

روبه‌يعى وت: ئحساس وه‌ نيگه‌رانى ئه‌كه‌يم له‌بان ته‌ندروستى و سه‌ڵامه‌تى ئه‌و ئيرانيه‌يله‌ ك وجوود ديرن له‌ زيندانه‌يل و وه‌رپرسيارێتى سه‌ڵامه‌تييان ئه‌خه‌يمنه‌ بان ئه‌مريكا له‌ساى وجوود ڤايرۆس كۆرۆنا.