ئه‌مريكا له‌باره‌ى ئۆپراسيۆن تازه‌ى سه‌ربازێ له سوريا جواو توركيا ئه‌ياده‌و
شه‌فه‌ق نيوز/ وه‌زاره‌ت وه‌رگرى ئه‌مريكى (پنتاگۆن)وت: هه‌ر كرده‌وه‌يگ سه‌ربازێ له يه‌ك لايه‌نه‌و له باكوور سوريا جێ نگه‌رانيه‌و ناپه‌سه‌نه، ئه‌ويش دوياى ئه‌وه‌گ توركيا ئاشكراى كرد ك ده‌س ئه‌كاده ئۆپراسيۆنێگ سه‌ربازێ له ماوه‌ى چه‌ن رووژيگ تر دژ جه‌نگاوه‌ره‌يل كورد له‌و وڵاته.
له‌ى باوه‌ته‌و، كۆماندۆ شون روبرتسون قسه‌كه‌ر وه‌ناو پنتاگۆن له به‌ياننامه‌يگ وت: ئه‌نجامداين كرده‌وه‌ى سه‌ربازێ له يه‌ك لايه‌نه‌و له باكوور سوريا وه‌تايبه‌ت له‌ساێ ئه‌گه‌ره‌يل وجوود تاكه‌يليگ له سوپاى ئه‌مريكى له‌ورا يا له ده‌ورگرد ناوچه‌گه جى نگه‌رانى فريه‌يگه‌و هه‌ر جووره كرده‌وه‌يگ له‌يوا ناقه‌بوله ئه‌را ئيمه.
جى باسه، روبروتسون هه‌ميش وت: وڵاته‌يل يه‌كگرگ پابه‌نده وه ئاسايش مه‌رزه‌يل توركيا، وه‌لێ جه‌نگ دژ ريكخرياگ داعش هيمان ته‌واو نه‌ويه‌و هيزه‌يل ديموكرات سوريا هاوبه‌شيگ پابه‌ندن ئه‌را روێ وه‌ڕوێ بوينه‌وه‌ى ئه‌و ريكخرياگ تونڕه‌وه.
