ئاژانسيگ ئيرانى: سه‌دان كه‌س له وه‌كارهاوردن ده‌رمانيگ فه‌رزكرياێ گيان له‌ده‌سدانه
2020-04-08T11:20:42+00:00
شه‌فه‌ق نيوز/ ئاژانس ته‌سنيم ئيرانى، باس له‌وه كرد سه‌دان ئيرانى گيان له ده‌سدانه و هه‌زاران كه‌س تر ژه‌هراوى بوينه دوياى وه‌كارهاوردن ده‌رمانيگ وه‌هساو ئه‌را چاره‌سه‌ر ڤايرۆس كۆرۆنا ك فه‌رمانگه‌يل ته‌ندروستى پشت وه‌پى به‌سانه.
له‌و باوه‌ته‌و، غوڵام حسێن ئسماعيلى قسه‌كه‌ر وه‌ناو دادوه‌رى ئيرانى، وت: زياتر له 600 كه‌س گيان له‌ده‌سدانه له ئه‌نجام وه‌كارهاوردن ئه‌و ده‌رمانه‌و نيزيكه‌ى 3 هه‌زار كه‌سيش ژه‌هراوى بوينه‌و هانه نه‌خوه‌شخانه.
ئسماعيلى باس له‌وه‌يش كرد له‌ئه‌نجام ئه‌و كرده‌وه‌يشه چه‌ن كه‌سيگ ده‌سگير كريانه و رێ وشوون تونيگ وه‌رانوه‌ريان ئه‌گريه‌ێده وه‌ر.
