داوەزین ئاو دیجلە شار کۆنەیگ لە دهۆک خەێدە دەیشت..وینە
شەفەق نیوز/ وەڕیەوبەر فەرمانگەی ئاسەواری دهۆک لە هەرێم کوردستان، ئمڕوو دووشەممە، پەیاکردن شوینیگ ئاسەواری لە ئاوای کەمونە سەروە قەزای سمێل راگەیان.
دکتۆر بێکەس بریڤکانی ئەرا ئاژانس شەفەق نیوز وت: تیمیگ هاوبەش لە زانایل ئاسەواری لە کوردستان و ئەڵمانیا شار کۆنەیگ پەیا کرد، چوودەو ئەرا سەردەم ئیمبراتۆریەت میتانی (٣٤٠٠ و.ز)، ئەوەیش لەناو گوڵەم چەم دیجلە، ودیاری کرد ک هشکەساڵی عراق هیشت ئاست ئاو دەریاچەی بەنداو مووسڵ داوەزێد، ولە ئەنجامی ئی شارە پەیا کریا.
و دیاری کرد ک ئی شارە ک ناو (زاخیکۆ) بویە، لە دەقەیل بابلی ناوی هاوریاگە، وکۆشکیگ وچەن بینا وژووریگ هاناوی، وەگەرد تەیمانەی گەورەیگ، وەگورەی ئەو نویسانەیل میخیە ک کەفتنە دەس تیمەگە، وتیش: ئەنجامەیل هەمیش ناوەندیگ شارستانی گرنگیگ ئەرا ئیمبراتۆریەت میتانی لەناوبەین ساڵەیل ١٥٥٠-١٣٥٠ خستەدەر.
بریڤکانی وتیش: لە ساڵ ٢٠١٨ دەسکریا کار لەی شوینە، باوجی دویای ئەوە ک ئاو بەنداو مووسڵ نقومی کرد، کار لەلی وسیا، ولەساڵ ٢٠٢١ تیمەگە دویای داوەزین ئاست ئاو دەریاچەی بەنداو مووسڵ، گلەو خوارد.
جی باسە، شمارەی ئەو شوینەیل ئاسەواریە ک لە پارێزگای دهۆک پەیا کریایە، تا ئیسە رەسیەسە ٢٠٠٠ شوین.
