گیانه‌گه‌م
***
هه‌رله جوانی هوگرو شه‌یدای تو بیومه گیانه‌گه‌م
دڵم وه‌ئه‌رزان دامه ده‌سدو قه‌درم نه‌زانستی گیانه‌گه‌م
زانا ئیوشیگن قه‌در زه‌ڕ زه‌ڕگه‌ر زانیگن گیانه‌گه‌م
توخو زه‌رگه‌ڕ بیود چیو زه‌ڕپاك نه‌ناسید گیانه‌گه‌م
***
دی له ئاشقی ره‌سیمه‌سه‌و دڵ فدای كه‌س نیه‌كه‌م گیانه‌گه‌م
چیوجاران ناخاڵه نیم گووڵد بخوه‌م دڵ بیه‌مه‌پید گیانه‌گه‌م
سه‌رده‌م جوانی وسه‌ودا سه‌ری وه‌سه‌رچیه گیانه‌گه‌م
توو چاره‌سه‌رئه‌را دڵ سه‌ر گه‌رداند بكه گیانه‌گه‌م
***
وینه‌ى له شیربڕیای له‌لید بڕیامه‌سه‌و گیانه‌كه‌م
باكم نیه په‌لپد نیه‌گرم دڵم شكیاس گیانه‌گه‌م
م خودڵ نه‌یرم تاجاریگتر یادت بكه‌ى گیانه‌گه‌م
ئه‌و دڵه داڕزیه‌ی ئه‌گه‌ر یادت بكه‌ی گیانه‌گم
***
م مناڵه‌گه‌ی جاران نیم تا گووڵ لایه لایه‌دبخوه‌م گیانه‌گه‌م
دی هه‌وه‌س بازنیم خوه‌م بخه‌مه باووش بی نازد گیانه‌گه‌م
دڵم له ئشق وئاشقی جوور زوخاڵ سیه بیوه گیانه‌گه‌م
ئه‌را سیه‌ترله زوخاڵ ره‌نگیتر دیریمن گیانه‌گه‌م ؟
باوگ ئاراس به‌غدا
22 \ 8 \2007
