ئەنار کەو
2024-04-11T09:14:15+00:00
یەێ دەف لەنوو ت تیەیدنەو وەو نەخش "سووڕئاڵ"دەو
وە ئەو میەرێ کەوە ک ت، نایدە لە زنج چاڵدەو
هەرچێ ڕەنگه ڕەو کردنه تا وەرز ئاهووەوبڕان
ت ئەسک ماسک مردێیێگ ها ناو چەوەیل کاڵدەو
م خەو فرەێ دۊنم وە چەو، هەر شەو لە لێژ جادەگان
هەر جادەس و چۊ مار کڕ، پەێشتیەێدە شان و باڵدەو
ئەنار کەو، شێعر عەرەو، ساعەت خەو لە نیمەشەو
بڕەخس لە بان لێو م وەو لێو سوور و ئاڵدەو
م دەروەچێگم دارەلووس، لە هووز دەروەچەیل واز
چ دەروەچەیلێ مردنە وە ئەزرەتەیل ماڵدەو
عەلی ئوڵفەتی
