دارەیل، وەڵنگەیل رزیاگێیان لە م توان
2024-08-19T14:19:40+00:00
چەمەیل وشک‌بۊ ئاوێیان
و دنیا جی کوڵەسۊکێ
ئەڕا سەرەونانێ مردن
و م هێمان لە داڵان سەرد سینێ کوومڕ کیشم
و بارکووڵەێ سوومارەێ خوەم
لە سووز ئێڵاخەیل سەرد
تا سام ژێربەنەیل دەرد
وە کووڵ کیشم
و هەر ڕۆژ وەل خوەرەزەردا
تا وە دەیشت بەرەهووت سزیان مردن
چم و تیەمەو
و هەر شەوار وە یاد ت
لە بەرزترین کۊەێ وڵات
کوانێ کوانێ ئاگر کەمەو !...
سەعید عبادەتیان |بانان|
