شا چارڵز: لە قەفەسەگەم ئازاد کریام
2024-05-10T08:28:06+00:00
شەفەق نیوز/ پاشای بەریتانیا چارڵز سێیەم، رووژ پەنجشەممە، وە هەنەگیەو وت "ری وەپی دریاس لە قەفەسەی دەرچوود" لە مەوقەی سەردانەگەی ئەرا کۆلێژ سەربازی، ئەوەیش لە دوایین بەشداریکردنی لە دویای گلەوخواردنی ئەرا ئەرکە گشتیەیل دویای تویشهاتنی وە شێرپەنجە.
لە دیدارەگەی وەرد خوەنەوارەیل و خیزانەیلیان لە کۆلێژ شاهانەی ئەندازیاری سەربازی لە باشوور ئینگلتەرا وە سەربازەیل وت: وەڕاسی داوای وەخشین کەم کە ختوورە خستمە داودان، بەڵام هەناێ ئی دەرفەت ئەرام بوی و ری وەپیم دریا لە قەفەسەگەم دەربچم، خوازیم بام و بنووڕم”.
هەناێ شاه چارڵز لە کۆتایی مانگ گوزەشتە دەس وە پەیوەندییە گشتیەیل کردر کۆشک باکینگهام راگەیان کە پاشا (تەمەن ٧٥ ساڵ) "فرە خوەشی هاتگە ئەرا جیوەجیکردن ئەرکە گشتیەیلی گلەو بخوەێد. بەڵام پیتەر فیلیپس، کوڕ شازادە ئانی خوشکەگەی، لە دیداریگ تەلەفزیۆنی وت: مامەی لە زوی خاسەوبوینی نائومید بویە.
